|  ～好問題～ 上司趁著公司較清閒時，的左我入房問我一個問題，太難答，一下子
唔識點回應佢，左腦諗完到右腦諗，都係諗唔到，以我學識那麼淺，
點會識答，個問題係： 「點樣令到公司營業額增大？點樣可以將市場佔有率加大？」 我諗如我答到，能力又做到的話，相信已經做左老闆囉。以我認知公
司的資源及老細既作風，我所言的方法，實做唔到，實會被否決，但 我都會講出來囉。 原來壓力來自公司的馬立花 |
| |
| ～６０週年國慶～ 今朝睇左兩粒幾鐘既國慶閱兵慶典，嘆為觀止，令我諗起毛主席的
一句說話，「人多好辦事」，人山人海，天安門前起碼有幾十萬人
同為國慶表演，部份為軍人，見住軍人一步一步咁操，齊整既畫面
簡直好似個個都係複製人般，無論在外觀上的高度，操兵時步法，
軍人頭部面向的角度，細緻如時間上的計算，均一絲不苟，佩服！ 加上背後的人肉佈景板，砌出好多不同的字句，通通都以人手去組
合成，當中已經有近８萬人，嘩～痴線，差不多黃大仙下村住既人
數，勁呀！！人真係排山倒海湧出來，實在犀利。 對於「國」的感覺，我都會有，尤其是上年奧運後，都會有，但唔
會好似國內人般熱烈，或是由細到大，香港給我是區或是一城市感
覺，未去到「國」咁大囉，望住電視上的畫面，偶爾會在想，為何
如此勞民傷財呢，辦一次閱兵，花費不少，何不將那些人民的金錢
，用作經濟或幫助窮人呢，唉～我太現實啦。甲子年，對中國人來
講，係非常難得的事，又怎能用錢去衡量呢。 同埋對於國歌，我諗我會對於運動場上奏國歌才感覺深，國感較重
，或者我也是個運動人啦。 點都好，見著國家六十年，可喜可賀既。唔知台灣幾時名正言順一 齊賀國慶呢？今年好多時有意無意地話提及台灣同胞係一家人，係 咪有咩意思呢？希望唔會等太耐啦。 ↓軍兵列隊非常齊整↓ ↓估唔到北京國慶日放晴，藍天白雲↓ ↓型呀！！解放軍型爆呀↓ ↓人山人海，人多好辨事↓ 之後有各地方的花車巡遊，其他車都可以啦，起碼將特色表現到出
來，我幾鐘意雲南，幾有特色，起碼一眼睇到好多小數民族服飾，
但香港的，唉～差劣到震，擺幾舊野就話代表香港，不知所謂啦。 ↓雲南花車呀↓ ↓一睇就知係海南島↓ ↓廣東用左龍舟，極具特色↓ 恭賀甲子年國慶的馬立花 |
| |
| ～亞協盃～ 估唔到我班朋友原來對本土聯賽會有興趣去睇，尋晚適逢國慶假前夕
有個亞協盃，南華ｖｓ尼夫治，呢場係八場，贏左的話就入到４強，
勁喎，估唔到香港都會有隊波踢到亞協盃，雖然比亞冠盃為次等，但
都係亞洲大賽呀，值得入場支持下既。 開波前落得超大雨，落到痴線，心諗會唔會延賽呢？落成咁，邊踢到
波，加上入場人數應該唔會好多添啦，點知又天公造美，臨開波１小
時，雨開始減小，而且雨雲亦開始散開，入場打氣既球迷陸續地多，
好多人都應南華會著晒紅衫，搞到有點點紅海，勁喎，今次港迷又幾
團結呢，哈～ 開賽無耐，就已經入左１球，興奮莫名，我開心到好似睇米蘭咁，跳
晒起身慶祝，之後南華一直以１球帶住到完場，估唔到我也會為南華
吶喊住「南華！南華！南華！」以往只會講「米蘭！米蘭！米蘭！」
贏左呢場，兩會合計埋以５：５，香港得作客入球優惠，殺入４強，
下次主場時，不妨再入場支持下先。 本以為有十幾個人一齊睇會幾開心，點知有部份人坐開左添，唔緊要
啦，還有下次機會嘛。 今場雖然話亞協盃八強賽，但波飛只係＄６０，抵呀！！哈～ 支持南華再殺入決賽的馬立花
|
| |
| ～ｓｈｏｒｔ上腦～ 前日尋日諗買樓既野，諗到ｓｈｏｒｔ上腦，連發夢都諗住，但夢
內我的而且確地買左樓，搬左去新屋住，而且都幾大添，哈～醒左
後係度諗，夢內係咪我死左時既紙扎屋呢？ 尋日係ＦＢ內呻訴樓價貴後，估不到朋友們都有不同的反應，大多
都同意現在樓價實在太貴啦，邊買得起，就算買到得，供都要供到
退休，唉～為左有個安樂窩，點解咁難？ 錢非萬能，但無錢就萬萬不能，慘～只怪自己太太花筒，沒儲個錢
在身，實在要改改花錢方法，儲錢方法 
|
| |
| ～買樓～ 究竟幾時可以買到樓？究竟幾時先可以讓老媽住得舒服開心？究竟樓
價幾時跌？要儲到買到樓，唔知洗唔洗到死左先有呢？到時大家燒返
間好好睇睇，多少少房，有個大廚房既大屋比我啦，唉～ 聽到老媽子一句說話後，自問真沒用，她勞碌一生，我連給她好好住
既地方都無，最起碼有間屬於自己的房間也沒有，實在．．．唉～～ 唔知點講，總之唔知幾時令到老媽住得舒服！ 搞到心嗡嗡的馬立花 |
| |
